نگران وزیر داخلہ سرفراز احمد بگٹی نے کہا ہے کہ تمام شہریوں کا تحفظ ریاست کی اولین ذمہ داری ہے، جڑانوالہ کا سانحہ انتہائی شرمناک اور رسول پاک کی تعلیمات کے منافی ہے، ملک میں کسی گروہ کو تشدد کی اجازت نہیں دی جائے گی، کرپشن کو کسی صورت میں برداشت نہیں کیا جائے گا۔
تفصیل کے مطابق نگران وفاقی وزیر داخلہ وزارت داخلہ پہنچے اور وزارت کا باقاعدہ چارج سنبھال لیا۔وزارت داخلہ آمد پر وفاقی سیکرٹری داخلہ سید علی مرتضیٰ سمیت دیگر حکام نے وفاقی وزیر کا استقبال کیا۔وزارت داخلہ آمد پر نگران وزیر داخلہ کو سلامی پیش کی گئیسرفراز احمد بگٹی پاکستان کے 47 ویں وفاقی وزیر داخلہ ہیں ۔
نگران وزیر داخلہ کی وزارت کے سینئر افسران سے تعارفی ملاقات کی ۔وزیر داخلہ کو وزارت داخلہ اور اسکے ذیلی اداروں سے متعلق تفصیلی بریفنگ دی گئی۔نگران وزیر داخلہ نے کہا تمام شہریوں کا تحفظ ریاست کی اولین ذمہ داری ہے۔جڑانوالہ کا سانحہ انتہائی شرمناک اور رسول پاک کی تعلیمات کے منافی ہے۔ہر شہری کو حق حاصل ہے کہ وہ پورے ملک میں بلا خوف و خطر نقل و حمل کر ے ۔ملک میں کسی گروہ کو تشدد کی اجازت نہ دی جائے گی۔
ہم سب کو مل کر ملک و قوم کی خدمت کیلئے کام کرنا ہو گا، نگران وزیر داخلہ نے کہا کرپشن کو کسی صورت میں برداشت نہیں کیا جائے گا۔نگران وزیر داخلہ کے حکم پر نئے اسلحہ لائسنسز کے اجرا پر پابندی عائد کر دی گئی۔
Leave feedback about this