نائب چینی وزیر اعظم کیلئے گرانقدر خدمات پر ہلال پاکستان کا اعزاز

صدر مملکت ڈاکٹر عارف علوی نے چینی صدر شی جن پنگ کے خصوصی نمائندہ، چین کی کمیونسٹ پارٹی کی سنٹرل کمیٹی کے پولٹ بیورو کے رکن اور نائب وزیر اعظم ہی لی فینگ کو پاکستان کے لئے گرانقدر خدمات پر ہلال پاکستان کے اعزاز سے نوازا۔

چین کے نائب وزیر اعظم کو اعزاز دینے کے لئے ایک سادہ اور پرقار تقریب پیر کو ایوان صدر اسلام آباد میں ہوئی جہاں صدر مملکت ڈاکٹر عارف علوی نے انہیں ہلال پاکستان کا اعزاز عطا کیا۔وزیر اعظم محمد شہباز شریف، چیئرمین سینیٹ محمد صادق سنجرانی، سپیکر قومی اسمبلی راجہ پرویز اشرف، کابینہ کے اراکین، چیئرمین جوائنٹ چیفس آف سٹاف کمیٹی، مسلح افواج کے سربراہان، چین کے نائب وزیر اعظم ہی لی فینگ کے ہمراہ پاکستان کے دورہ پر آئے ہوئے وفد کے اراکین سمیت اعلیٰ سول و فوجی حکام نے تقریب میں شرکت کی۔

چینی نائب وزیر اعظم کو ہلال پاکستان کا اعزاز دینے کیلئے منعقدہ تقریب میں چین کے نائب وزیر خارجہ اور پاکستان میں چینی ناظم الامور بھی شریک ہوئیں۔ اس سے قبل ایوان صدر آمد پر چین کے نائب وزیر اعظم کا انتہائی پرتپاک استقبال کیا گیا۔ چین کے نائب وزیر اعظم ہی لی فینگ پاکستان کے سرکاری دورہ پر اتوار کو اسلام آباد پہنچے تھے۔

Leave feedback about this

  • Rating