ن لیگی رہنما طارق فضل چودھری کا بیٹا ٹریفک حادثے میں جاں بحق، وزیر اعظم شہباز شریف کا اظہار تعزیت
اسلام آباد میں ٹریفک حادثے کے نتیجے میں زخمی ہونے والا مسلم لیگ ( ن ) کے رہنما طارق فضل چودھری کا بیٹا دم توڑ گیا۔پولیس کے مطابق سیونتھ ایونیو پر تیز رفتار گاڑی کھمبے سے ٹکرا گئی تھی جس میں طارق فضل چودھری کا بیٹا انزہ طارق زخمی ہوا۔
پولیس کا کہنا ہے کہ زخمی نوجوان کو ہسپتال منتقل کیا گیا لیکن وہ جانبر نہ ہوسکا، پمز ہسپتال میں ضروری کارروائی کے بعد لاش ورثا کے حوالے کر دی گئی ہے۔پولیس کے مطابق گاڑی نوجوان انزہ طارق ہی چلا رہا تھا۔
دوسری طرف طارق فضل چودھری کے بیٹے کی میت ان کی رہائش گاہ چک شہزاد پہنچا دی گئی ہے، نماز جنازہ شام 4 بجے ن لیگ سیکرٹریٹ پارک روڈ چٹھہ بختاور میں ادا کی جائے گی۔
وزیراعظم نے انزہ طارق کی وفات پر اہل خانہ سے دلی رنج و غم اور صدمے کا اظہار کیا اور مرحوم کے درجات کی بلندی اور اہلخانہ کے لئے صبر جمیل کی دعا کی۔ادھر وفاقی وزیر اطلاعات مریم اورنگزیب نے طارق فضل چودھری کی رہائش گاہ جا کر ان سے بیٹے کے انتقال پر اظہار افسوس کیا۔سپیکر راجہ پرویز اشرف نے بھی طارق فضل چودھری کے بیٹے کی وفات پر افسوس کا اظہار کیا ہے۔
Leave feedback about this