ن لیگ کی ا نتخابات کی تیاریاں شروع، جلسوں سے خطاب کیلئے قائدین کے نام بھی فائنل

پاکستان مسلم لیگ (ن) نے نواز شریف کی ہدایت پر انتخابات کی تیاریاں شروع کر دی ہیں۔سعودی عرب میں نواز شریف کی زیر قیادت پارٹی بیانیے پر مشاورت کی گئی، پارٹی ذرائع کے مطابق بیانیے میں ن لیگ کے سابقہ ادوار کے ترقیاتی منصوبوں کو شامل کیا جائے گا۔

ذرائع کے مطابق نواز شریف کی حکومت ختم کرنے کی مبینہ سازش کا بھی بیانیہ بنایا جائے گا،مہنگائی میں پی ٹی آئی حکومت کے کردار اور اہم وجوہات کو سامنے لائے جائے گا۔انتخابی جلسوں میں پی ٹی آئی چیئرمین کی مبینہ کرپشن کو ہدف تنقید بنایا جائے گا، انتخابی جلسوں سے خطاب کرنے والے قائدین کے نام بھی فائنل کر لیے گئے ہیں۔پارٹی ذرائع کا کہنا تھا کہ نواز شریف، مریم نواز، شہباز شریف، حمزہ شہباز سمیت دیگر رہنما خطاب کریں گے۔

ذرائع کے مطابق ن لیگ کے اہم رہنماوں نے نوازشریف کو پارٹی منشورپربریفنگ دی۔ن لیگ کی جانب سے انتخابات میں پرامید پاکستان کے عنوان سے الیکشن مہم چلانے پرغورکیا جارہا ہے۔نوازشریف کو پارٹی منشورپربریفنگ دیتے ہوئے رہنماوں نے کہا کہ معاشی اہداف، زراعت، امن وامان اور نوجوانوں کیلئے روزگار کے مواقع شامل کئے گئے ہیں۔مہنگائی کے خاتمے،بیرونی سرمایہ کاری کے مواقع اوربلوچستان میں سرمایہ کاری پر زور دیا گیا۔ذرائع کیمطابق کمیٹی کی سفارشات کی روشنی میں منشورکو حتمی شکل دی جا رہی ہے، ن لیگ کی جانب سے انتخابات میں پرامید پاکستان کے عنوان سے الیکشن مہم چلانے پرغورکیا جارہا ہے۔