مودی سرکار کو بڑی ہزیمت کا سامنا:مقبوضہ کشمیر کی خصوصی حیثیت ختم کرنے کے اقدام کے خلاف کل سے سماعت ہوگی

مقبوضہ کشمیر کی خصوصی حیثیت ختم کرنے کا 5 اگست 2019 کا اقدام بھارتی سپریم کورٹ نے پانچ رکنی بنچ تشکیل دے دیا،آج منگل سے روزانہ کی بنیادپر سماعت ہوگی۔

بھارتی خبر رساں ادارے کے مطابق بھارتی سپریم کورٹ میں مقبوضہ کشمیر میں آرٹیکل 370 کے خاتمے کے خلاف 5 رکنی بنچ تشکیل دے دیا جو آج (منگل سے) روزانہ کی بنیاد پر سماعت کرے گا۔

میڈیا رپورٹس کے مطابق بیورو کریٹ شاہ فیصل نے مقبوضہ کشمیر کی خصوصی حیثیت ختم کرنے کو غیر آئینی قرار دیتے ہوئے اس اقدام کے خلاف پیٹیشن دائر کی تھی۔ گزشتہ 4 برسوں سے ججوں کی ریٹائرمنٹ اور سماعت سے معذرت کی بنا پر بنچ بنتا اور ٹوٹتا رہا۔

میڈیا رپورٹس کے مطابق آئینی ماہرین کا کہنا ہے کہ 4 برس بعد بنیادی حقوق کی درخواست پر سماعت بھارتی انصاف کے منہ پر طمانچہ ہے۔کشمیری سیاست دانوں، علماء کرام اور تاجر برادری سمیت کشمیری عوام نے اس فیصلے کا خیر مقدم کیا اور کشمیری عوام نے امید ظاہر کی کہ سپریم کورٹ مودی سرکار کے غیر آئینی اقدام کو کا لعدم قرار دے گی۔