قوم باصلاحیت ہے، ضرورت ہے ہم مل کر ملکی ترقی میں حصہ ڈالیں، آرمی چیف

اسلام آباد:قوم باصلاحیت ہے، ضرورت ہے ہم مل کر ملکی ترقی میں حصہ ڈالیںآرمی چیف جنرل سیّد عاصم منیر نے کہا ہے کہ پاکستان نے ترقی کی منازل طے کرنی ہیں اور دنیا کی کوئی طاقت اس کو ترقی کرنے سے نہیں روک سکتی۔

اسلام آباد میں منعقدہ گرین پاکستان سیمینار سے خطاب کرتے ہوئے سپہ سالار کا کہنا تھا کہ ہم سب یہاں پاکستان کو ایک بار پھر سر سبز کرنے کیلئے جمع ہوئے ہیں، ملک کو اللّٰہ نے بہت سی نعمتوں سے نوازا ہے، قوم باصلاحیت ہے، ضرورت ہے ہم مل کر ملکی ترقی میں حصہ ڈالیں۔

اپنی بات کو جاری رکھتے ہوئے انہوں نے کہا کہ ہم ملکی معاشی ترقی کیلئے بحیثیت ادارہ مکمل جانفشانی اور قلب و روح کے ساتھ اس مرحلہ کی تکمیل کیلئے ہر تعاون کا یقین دلاتے ہیں، ہمیں اللہ کے رحمت سے مایوس نہ ہونا، کیونکہ صرف کافر مایوس ہوتے ہیں۔

اپنی بات کو جاری رکھتے ہوئے سیّد عاصم منیر کا کہنا تھا کہ مسلمانوں مصیبت آنے پر صب کرتا ہے جبکہ دوسری صورت میں شکر ادا کرتا ہے۔ ناامیدی اور مایوسی کفر ہے۔انہوں نے کہا کہ پاکستان نے ترقی کی منازل طے کرنی ہیں اور دنیا کی کوئی طاقت اس کو ترقی کرنے سے نہیں روک سکتی ، ہمارے پاس ہر طرح کی صلاحیت موجود ہے جو پاکستان کو عروج پر لے جاسکتی ہے۔