پہلے لوگوں کو امیر کرو پھر ٹیکس لگائو،آصف زرداری

پیپلز پارٹی کے شریک چیئرمین آصف علی زرداری نے کہا ہے کہ میثاق جمہوریت پر بات کرنے اور میثاق معیشت پر طویل پالیسیاں بنانے کی ضرورت ہے
ایف پی سی سی آئی کی تقریب سے خطاب کے دوران انہوں نے کہا کہ پنجاب کے بڑے بزنس مین اکٹھے ہوجائیں، میں سرمایہ کاری کی گارنٹی دیتا ہوں، پہلے لوگوں کو امیر کرو پھر ٹیکس لگاؤ، پاکستان میں اب آگے جانے کی صلاحیت ہے۔چین نے 50 سال کا معاشی پلان بنایا ہوا، ہمیں بھی طویل پالیسیوں کی ضرورت ہے۔انہوں نے کہا کہ پیپلز پارٹی نے ہمیشہ تاجر برادری کا خیال رکھا ہے، معیشت کی بہترہماری آنے والے نسلوں کیلیے ضروری ہے، معیشت پانچ دس برسوں کے لیے نہیں بلکہ نسلوں کیلیے بنائی جاتی ہے۔شریک چیئرمین پی پی پی نے کہا کہ ملک میں پبلک پرائیوٹ پارٹنرشپ کے فروغ کی ضرورت ہے، 70 سال سے گوادر ہے، کسی کو نظر نہیں آرہا تھا، میں گوادر کا چین کے ساتھ معاہدہ کیا، ایکسپورٹ بڑھنے سے مسائل حل ہوتے ہیں۔ان کہنا تھا کہ غیرملکی سرمایہ کار پیسہ لگتا ہے تو واپس بھی لے جاتا ہے، غیرملکی سرمایہ کار ایک ڈالر کے بدلے 5 ڈالر کماتا ہے، دفاعی اخراجات زیادہ ہونے کا پروپیگنڈا کیا جاتا ہے۔دوسری جانب سابق صدر آصف علی زرداری کی لاہور میں موجودگی کے دوران سیاسی رہنماؤں کا پیپلز پارٹی میں شمولیت کا عمل جاری ہے۔سابق صدر آصف علی زرداری سے ڈیرہ غازی خان سے آزاد امیدوار پنجاب اسمبلی حافظ طاہر اور حافظ ہاشم نے ملاقات کر کے پیپلز پارٹی میں شمولیت اختیار کر لی، اس موقع پرصدر پیپلز پارٹی جنوبی پنجاب مخدوم احمد محمود اور سابق وزیر اعلیٰ پنجاب دوست محمد کھوسہ بھی موجود تھے۔حافظ طاہر حلقے میں عوامی فلاح و بہبود کے منصوبے چلانے کی شہرت رکھتے ہیں، انہوں نے سیلاب متاثرین کیلئے علاقے میں 709 سے زائد گھر بھی تعمیر کروائے، جنوبی پنجاب سے کل مزید سیاسی رہنماؤں کی پیپلز پارٹی میں شمولیت کا امکان ہے، سیاسی رہنماؤں کی پارٹی میں شمولیت کی وجہ سے سابق صدر آصف علی زرداری نے لاہور میں اپنا قیام 12 جون تک بڑھا دیا ہے۔