عمران خان اگلی پیشی پر حاضری نہ ہوئے تو وارنٹ گرفتاری جاری کرینگے،الیکشن کمیشن

عمران خان، اسد عمر اور فواد چوہدری کے خلاف توہین الیکشن کمیشن کے کیس کی ممبر نثار درانی کی سربراہی میں تین رکنی کمیشن نے سماعت کی۔آئندہ سماعت میں عدم حاضری پر ناقابل ضمانت وارنٹ گرفتاری جاری کریں گے۔کیس کی سماعت 5 جون تک ملتوی کردی گئی۔گزشتہ روزعمران خان اور فواد چوہدری کی جانب سے وکیل فیصل چوہدری الیکشن کمیشن میں پیش ہونے۔اسد عمر کی جانب سے معاون وکیل الیکشن کمیشن میں پیش ہوئے۔وکیل فیصل چوہدری نے کہا کہ الیکشن کمیشن کا آرڈر کل موصول ہوا۔آرڈر لیٹ موصول ہوا تو کیسے تیاری کرتے۔ممبر اکرام اللہ خان نے کہا کہ گزشتہ سماعت پر بھی عمران خان کو ذاتی حیثیت میں پیش ہونے کاموقع دیا تھا۔وکیل فیصل چوہدری نے جواب دیا کہ ہمارے خلاف 150 کیسز ہیں، روزانہ 36 کیسز ہوتے ہیں۔ممبر شاہ محمد جتوئی نے کہا کہ جب 150 کیسز نہیں تھے تب بھی آپ پیش نہیں ہوتے تھے۔وکیل فیصل چوہدری نے کہا کہ چیزیں ہمارے ہاتھ میں نہیں ہیں۔الیکشن کمیشن یہ بات دماغ سے نکال دے کہ ہم ان کی توہین کر رہے ہیں،یہ کیس تو 6 ماہ سے الیکشن کمیشن میں زیر التواء ہے،فیصل چوہدری نے سماعت جون کے پہلے ہفتے تک ملتوی کرنے کی سفارش کردی۔ممبر اکرام اللہ خان کہا کہ گزشتہ سماعت پر عدم پیشی پر وارنٹ گرفتاری کا حکم دیا تھا۔الیکشن کمیشن نے عمران خان، فواد چوہدری اور اسد عمر کو ذاتی حیثیت میں پیش ہونے کا حکم دیا ہے۔الیکشن کمیشن نے کہاکہ آئندہ سماعت میں عدم حاضری پر ناقابل ضمانت وارنٹ گرفتاری جاری کریں گے۔عدم پیشی پر اگلی سماعت پر کیس کو بھی نمٹا دیں گے،کیس کی سماعت 5 جون تک ملتوی کردی گئی