اسٹیٹ بینک شیڈول سے قبل 4 اپریل کو مانیٹری پالیسی کمیٹی اجلاس میں شرح سود کا جائزہ لے گا
پاکستان نے 4 فیصد اضافے سے انکار کیا تھا ،دو قسطوں میں متعین کرنے کی یقین دہانی کرائی تھی، ذرائع
اسلام آباد ( صحافی ۔ پی کے نیوز ) اسٹیٹ بنک آف پاکستان نے آئی ایم ایف کو مطمئن کرنے کیلئے شر ح سود مزید بڑھانے کا فیصلہ کر لیا ہے ،اسٹیٹ بنکشیڈول سے قبل ہی 4 اپریل کو مانیٹری پالیسی کمیٹی کا اجلاس بلائے گا جس میں شرح سود کا جائزہ لیا جا ئے گا ۔ذرائع کے مطابق پاکستان کے پیشگی اقدامات سے آئی ایم ایف تاحال مطمئن نہیں ہو سکا جس پر اسٹیٹ بنک نے آئی ایم ایف کو مطمئن کرنے کے لیے شرح سود مزید بڑھانے کا فیصلہ کیا ہے ،آئی ایم ایف نے شرح سود 4 فیصد تک بڑھانے کا مطالبہ کیا تھا لیکن پاکستان نے ایک ہی مرتبہ 4 فیصد اضافے سے انکار کیا تھا اور دو قسطوں میں شرح سود مہنگائی کے حساب سے متعین کرنے کی یقین دہانی کرائی تھی۔ ذرائع کا مزید کہنا ہے کہ آئی ایم ایف اس بات کی نشاندہی کی کہ پاکستان میں شرح سود مہنگائی کے حساب سے کم ہے۔ ذرائع کے مطابق آئی ایم ایف کا شرح سود میں 2کم از کم فیصد اضافے کے لئے دباؤ ہے ،اسٹیٹ بینک شیڈول سے قبل ہی 4 اپریل کو مانیٹری پالیسی کمیٹی کا اجلاس بلائے گا جس میں شرح سود کا جائزہ لیا جائے گا ۔آئی ایم ایف قرض پروگرام بحال کرنے کے لیے شرح سود مزید 2 فیصد بڑھنے کا امکان ہے ۔ واضح رہے کہ پاکستان کا آئی ایم ایف کے ساتھ اسٹاف لیول معاہدہ 9 فروری کو ہونا تھا لیکن وہ تاخیر کا شکار ہوا ہے ۔
Leave feedback about this