موٹر سائیکل ، رکشہ والوں کو سستا پیٹرول:آٹا 25 شعبان سے 25 رمضان تک مفت تقسیم کیا جائیگا،وزیراعظم

عوامی سہولت کیلئے آٹے کی تقسیم کے مزید 20 ہزار پوائنٹس قائم کئے جائیں، مفت آٹے کی تقسیم شفاف طریقے سے یقینی بنانے کی ہدایت
رمضان میں پنجاب بھر کے یوٹیلیٹی سٹورز سے 1 کروڑ 58 لاکھ گھرانوں کو مفت آٹا تقسیم کیا جائے گا، شہباز شریف کا جائزہ اجلاس سے خطاب
اسلام آباد(صحافی ۔ پی کے نیوز) وزیراعظم شہبا شریف نے کہا ہے کہ مفت آٹے کے معیار پر کسی قسم کا سمجھوتا قبول نہیں، رمضان میں پنجاب بھر کے 1 کروڑ 58 لاکھ گھرانوں کو مفت آٹا تقسیم کیا جائے گا، مفت آٹے کی تقسیم 25 شعبان سے 25 رمضان تک کی جائے گی، آٹے کی تقسیم 8 ہزار 5 سو یوٹیلٹی اسٹورز کے ذریعے کی جائے گی۔ وزیراعظم محمد شہباز شریف کی زیر صدارت رمضان پیکج کے تحت مفت آٹے کی فراہمی پر جائزہ اجلاس منعقد ہوا،اجلاس میں حکومتِ پنجاب کی طرف سے رمضان میں مفت آٹے کی تقسیم کے پروگرام پر تفصیلی بریفنگ دی گئی، اجلاس میں نگران وزیر اعلی پنجاب سید محسن رضا نقوی، مشیرِ وزیرِ اعظم احد چیمہ اور متعلقہ اعلی حکام نے شرکت کی.۔وزیرِ اعظم شہبازشریف نے کہا ہے کہ نے اسلام آباد میں رمضان المبارک کے دوران غریب و متوسط طبقے کو مفت آٹے کی فراہمی کے ساتھ ساتھ موٹر سائیکل و رکشہ والوں کو سستے پیٹرول کی فراہمی کا اصولی فیصلہ کیا ہے ۔اجلاس میں اظہار خیال کرتے ہوئے وزیراعظم شہباز شریف نے کہا کہ ملکی تاریخ میں پہلی بار غریب عوام کیلئے رمضان میں مفت آٹا کی فراہمی کا پیکج تیار کیا گیا ہے، رمضان میں پنجاب بھر کے 1 کروڑ 58 لاکھ گھرانوں کو مفت آٹا تقسیم کیا جائے گا، مفت آٹے کی تقسیم 25 شعبان سے 25 رمضان تک کی جائے گی، آٹے کی تقسیم 8 ہزار 5 سو یوٹیلٹی اسٹورز کے ذریعے کی جائے ۔وزیرِ اعظم نے ہدایت کی کہ عوامی سہولت کیلئے آٹے کی تقسیم کے مزید 20 ہزار پوائنٹس قائم کئے جائیں، مفت آٹے کی تقسیم شفاف طریقے سے یقینی بنائی جائے، آٹے کی فراہمی کے دوران چوری روکنے کیلئے جدید ٹیکنالوجی کا استعمال کیا جائے. مفت آٹے کے معیار پر کسی قسم کا سمجھوتا قبول نہیں. مفت آٹا اسکیم میں اپنی اہلیت SMS کے ذریعے جانچی جا سکے گی. وفاقی حکومت دیگر صوبوں کو بھی اس پروگرام میں معاونت فراہم کرے گی۔