پاک فوج بہادری اور قابلیت کے اوصاف کو برقرار رکھتی ہے: جنرل عاصم منیر

پاک فوج بہادری اور قابلیت کے اوصاف کو برقرار رکھتی ہے: جنرل عاصم منیر
بین الاقوامی پاک آرمی ٹیم اسپرٹ کی اختتامی تقریب، آرمی چیف نے ٹیموں کی مہارت کو سراہا
پبی (صحافی ۔ پی کے نیوز )پبی میں بین الاقوامی پاکستان آرمی ٹیم اسپرٹ کی اختتامی تقریب کا انعقاد ہوا۔پاک فوج کے شعبہ تعلقات عامہ آئی ایس پی آر کے مطابق بین الاقوامی پاکستان آرمی ٹیم اسپرٹ کی اختتامی تقریب کے مہمان خصوصی آرمی چیف جنرل سید عاصم منیر تھے، تقریب میں عالمی مبصرین اور شریک ممالک کے دفاعی اتاشیوں نے بھی شرکت کی۔آئی ایس پی آر کے مطابق آرمی چیف نے ٹیموں کی پیشہ ورانہ مہارت اور بلند حوصلے کو سراہا، آرمی چیف نے ٹیم کے شرکا کو انعامات اور تمغوں سے بھی نوازا۔اس موقع پر آرمی چیف کا کہنا تھا ایسے مقابلے نوجوانوں کی صلاحیتوں کو نکھارتے ہیں، مقابلوں سے پیشہ ورانہ مہارتوں کے اظہار کا موقع ملتا ہے۔جنرل عاصم منیر کا کہنا تھا پاک فوج بہادری، باہمی تعاون اور قابلیت جیسے اوصاف کو برقرار رکھتی ہے، یہ اوصاف دہشت گردی کے خلاف جنگ کے دوران ظاہر بھی ہوئے، مقابلوں سے ٹیم ورک اور دیگر صلاحیتوں کو بہتر بنانے کا موقع ملتا ہے۔