پارٹی کا نام تحریک انصاف،عدالتوں میں غنڈے لاتے ہیں،انسداد دہشتگردی عدالت

عمران خان 28 فروری کو عدالت پیشی پر آئے تھے اور اپنے ساتھ ڈھائی ہزار بندہ بھی کمرہ عدالت لے آئے تھے
برطانیہ کی مثالیں دیتے ہیں خوداحترام نہیں کرتے ، انسداد ہشتگردی عدالت کے جج کے عمران خان کیس میں ریمارکس
اسلام آباد(سٹاف رپورٹر)انسدادِ دہشت گردی عدالت اسلام آباد کے جج راجہ جواد عباس نے 28 فروری کو عمران خان کی پیشی کا ذکرتے ہوئے کہا ہے کہ مثالیں برطانیہ کی دیتے ہیں خود عدالت کا احترام نہیں کرتے ،پارٹی کا نام تحریک انصاف رکھا ہوا ،عدالتوں میں غنڈے اور بدمعاش لے آتے ہیں ۔انسداد دہشتگردی عدالت اسلام آباد میں الیکشن کمیشن کے فیصلے پر پی ٹی آئی رہنماوں کے احتجاج سے متعلق کیس کی سماعت ہوئی۔ سماعت کے دوران انسدادِ دہشت گردی عدالت اسلام آباد کے جج راجہ جواد عباس عمران خان کی عدالت میں گزشتہ پیشی کا ذکرتے ہوئے ریمارکس دیئے کہ عمران خان 28 فروری کو عدالت پیشی پر آئے تھے اور اپنے ساتھ ڈھائی ہزار بندہ بھی کمرہ عدالت لے آئے تھے پارٹی کا نام انصاف پر رکھا ہوا ہے اور عدالت میں زندہ باد اور مردہ باد کے نعرے لگاتے ہیں برطانیہ کی مثالیں دیتے ہیں اور خود عدالت کا احترام نہیں کرتے ۔عدالتی پیشی کے دوران عدالت کا احترام نہیں کیاگیاتھااپنے ساتھ غنڈے اور بدمعاش بھی کمرہ عدالت میں لے آتے ہیں ایک سال کی پیشی پر آئے تھے اور اپنے ساتھ دو سال کی پیشیاں ساتھ لے کر چلے گئے اب ایک سال مزید مجھے عدالتی سماعتوں میں مصروف رکھیں گے میرے پاس اس معاملے کی تمام سی سی ٹی وی فوٹیج بھی موجود ہے عمران خان 28 فروری کو انسدادِ دہشت گردی عدالت میں تھانہ سنگجانی میں درج مقدمے کی درخواست ضمانت پر حاضری لگوانے آئے تھے یاد رہے کہ جوڈیشل کمپلیکس میں توڑپھوڑ کے باعث عمران خان کے خلاف تھانہ رمنا میں مقدمہ درج ہوا تھا #/s#