پاکستان اپنی خودمختاری اور سالمیت کیلئے مکمل طور پر تیار ہے ، ترجمان

بھارت کے جنگی جنون اور پاکستان کی طرف سے زبردست تحمل اور ذمہ داری کا مظاہرہ کیا،دفتر خارجہ
اسلام آباد(سٹاف رپورٹر )ترجمان دفتر خانرجہ نے کہا ہے کہ پاکستان اپنی خودمختاری اور علاقائی سالمیت کے تحفظ کے عزم کا اعادہ کرتا ہے۔26 فروری 2019 کو بین الاقوامی قانون اور اقوام متحدہ کے چارٹر کی خلاف ورزی کرتے ہوئے بھارت کی طرف سے کیے گئے فضائی حملوں کے خلاف پاکستان کے مناسب جواب کا آج چوتھا ساک منایا جا رہا ہے۔ بھارتی فضائی حملوں کے خلاف پاکستان کے مناسب جواب کے چار سال کے بعد اپنے بیان میں ترجمان نے مزید کہا کہ 26-27 فروری 2019 کے واقعات بھارت کے جنگی جنون اور پاکستان کی طرف سے زبردست تحمل اور ذمہ داری کا مظاہرہ کرتے ہیں۔ گرفتار بھارتی پائلٹ کو امن کے اشارے کے طور پر واپس کر دیا گیا۔بھارت کو اپنے لاپرواہانہ طرز عمل کے نتائج سے آگاہ رہنا چاہیے اور یہ سمجھنا چاہیے کہ پاکستانی قوم اپنی خودمختاری اور علاقائی سالمیت کے مکمل تحفظ کے لیے تیار ہے۔پاکستان پرامن بقائے باہمی اور دیرینہ تنازعات کے حل کے لیے پرعزم ہے۔ ہم اس بات پر بھی زور دیتے ہیں کہ جنوبی ایشیا میں پائیدار امن اقوام متحدہ کی سلامتی کونسل کی متعلقہ قراردادوں اور کشمیری عوام کی خواہشات کے مطابق جموں و کشمیر تنازعہ کے پرامن حل پر منحصر ہے۔#/s#