خودکش حملہ آور کا سر اور اعضاء ڈی این اے ٹیسٹنگ و فارنزک کیلئے بھیجوا دیئےگئے

خودکش حملہ آور کا سر اور اعضاء ڈی این اے ٹیسٹنگ و فارنزک کیلئے بھیجوا دیئےگئے
یہاں سے کوئی دہشت گرد بھاگ کر افغانستان میں پناہ لے تو ہمارے حوالے کرنا چاہیے،آئی جی خیبر پختونخوا
پشاور(صحافی ۔ پی کے نیوز)آئی جی خیبر پختون خوا معظم جاہ انصاری نے بتایا ہے کہ پشاور کی پولیس لائنز کی مسجد میں دھماکا خودکش تھا، خودکش حملہ آور کا سر اور کچھ اعضاء ملے ہیں۔آئی جی خیبر پختون خوا نے نجی ٹی وی کو انٹرویو دیتے ہوئے کہا کہ پشاور کی پولیس لائنز کی مسجد میں ہوئے خود کش دھماکے میں حملہ آور کے سیمپل ڈی این اے ٹیسٹنگ و فارنزک کے لیے بھیجوا دیے ہیں، سی سی ٹی وی فوٹیج سے دھماکے کی وجوہات کا تعین کر رہے ہیں۔انہوں نے کہا کہ انٹیلی جنس کی بنیاد پر آپریشنز ہونے چاہئیں، دہشت گردوں کا کنٹرول کسی علاقے پر اس طرح نہیں ہے جس طرح 10، 12 سال پہلے تھا۔ یہاں سے کوئی دہشت گرد بھاگ کر افغانستان میں پناہ لے تو معاہدے کے مطابق افغان حکومت کو اسے ہمارے حوالے کرنا چاہیے۔