یکم فروری سے مریم نواز کے ملک گیر تنظیمی دوروں کا شیڈول جاری

یکم فروری سے مریم نواز کے ملک گیر تنظیمی دوروں کا شیڈول جاری
ورکرز کنونشن اور تنظیمی اجلاس کا آغاز یکم فروری کو بہاولپور سے کریں گے
11 اور 12 فروری اسلام آباد جبکہ 19 اور20 فروری کو راولپنڈی کا دورہ کریں گی
اسلام آباد(صحافی ۔ پی کے نیوز)مسلم لیگ (ن) کی سینئر نائب صدراور چیف آرگنائزر مریم نواز کے ملک گیر تنظیمی دوروں کا شیڈول جاری کر دیا گیا، مریم نواز یکم فروری سے مختلف شہروں کے دوروں کا آغاز کریں گی، 11 فروری کو اسلام آباد اور 27 فروری کو کراچی جائیں گی ۔تفصیل کے مطابق مسلم لیگ ن کی سینئر نائب صدر اور چیف آرگنائزر مریم نواز نے پارٹی کو متحرک کرنے اور تنظیمی تبدیلیوں کا فیصلہ کرلیاہے۔ یکم فروری سے مریم نواز تنظیمی دوروں کا آغاز کریں گی۔ یکم فروری کو بہاولپور میں ورکرز کنونشن، دو فروری کو بہاولپور میں پارٹی کا تنظیمی اجلاس ہو گا۔ پانچ فروری کو ملتان میں کنونشن اور چھ فروری کو پارٹی کا تنظیمی اجلاس ہوگا۔ 9 فروری کو مریم نواز ایبٹ آباد میں کنونشن سے خطاب کریں گی، 10 فروری کو ایبٹ آباد میں پارٹی کا تنظیمی اجلاس منعقد ہوگا، گیارہ اور بارہ فروری کو مریم نواز اسلام آباد میں ڈیرے ڈالیں گی۔ 15 فروری کو مریم نواز ڈیرہ غازی خان میں کنونشن اور جلسے سے خطاب کریں گی، 16 فروری کو پارٹی کے تنظیمی اجلاس کی صدارت کریں گی۔ 19 فروری کو راولپنڈی میں ورکرز کنونشن ہوگا، 20 فروری کو تنظیمی اجلاس ہوگا، 23 فروری کو مریم نوازشریف سرگودھا میں ورکرز کنونشن سے خطاب کریں گی، 24 فروری کو پارٹی تنظیمی اجلاس کی صدارت کریں گی۔ 27 فروری کو ساہیوال میں ورکرز کنونشن 28 فروری کو پارٹی تنظیمی اجلاس ہوگا۔ گوجرانوالہ میں 3 مارچ کو کنونشن اور 4 مارچ کو پارٹی تنظیمی اجلاس منعقد ہوگا۔ شیخوپورہ میں 7 مارچ کو کنونشن، 8 مارچ کو پارٹی تنظیمی اجلاس ہوگا، فیصل آباد میں 11 مارچ کو کنونشن اور 12 مارچ کو پارٹی کا تنظیمی اجلاس ہوگا۔ پشاور میں 15 مارچ کو ورکرز کنونشن اور16 مارچ کو تنظیمی اجلاس ہوگا، لاہور ڈویژن میں 19 مارچ کو کنونشن اور20 مارچ کو تنظیمی اجلاس ہوگا۔ مریم نواز23 مارچ کو کوئٹہ جائیں گی اور ورکرز کنونشن سے خطاب کریں گی۔ 24 مارچ کو کوئٹہ میں مسلم لیگ (ن) کا تنظیمی اجلاس منعقد ہوگا۔ کراچی میں ورکرز کنونشن 27 مارچ جبکہ 28 مارچ کو تنظیمی اجلاس ہوگا۔