فواد چوہدری کے خلاف ایف آئی آر بالکل درست ہے: رانا ثناء اللہ

فواد چوہدری کے خلاف ایف آئی آر بالکل درست ہے: رانا ثناء اللہ
آج نواز شریف سے میٹنگ ہے، نواز شریف سے ہدایات لے کر مریم نواز کا یکم فروری سے پنجاب اور کے پی کے کا دورہ شروع ہوگا
عمران خان کو گرفتار کرنے کا ارادہ نہیں لیکن ان کے بیانات سے تو لگتا ہے کہ ایک بار گرفتار ہو جانا چاہیے تاکہ دیکھ ہی لیں کہ یہ کیا طوفان لانا چاہتے ہیں: وفاقی وزیر داخلہ
لندن ( صحافی ۔ پی کے نیوز ) وفاقی وزیرداخلہ رانا ثناء اللہ کا کہنا ہے کہ فواد چوہدری کے خلاف ایف آئی آر بالکل درست ہے،آج پاکستان واپس جا رہا ہوں، آج نواز شریف سے میٹنگ ہے، نواز شریف سے ہدایات لے کر مریم نواز کا یکم فروری سے پنجاب اور کے پی کے کا دورہ شروع ہوگا لندن میں میڈیا سے گفتگو کرتے ہوئے کہا کہ عمران خان کو گرفتار کرنے کا ارادہ نہیں لیکن ان کے بیانات سے تو لگتا ہے کہ ایک بار گرفتار ہو جانا چاہیے تاکہ دیکھ ہی لیں کہ یہ کیا طوفان لانا چاہتے ہیں۔ رانا ثنا اللہ نے کہا آج پاکستان واپس جا رہا ہوں، آج نواز شریف سے میٹنگ ہے، نواز شریف سے ہدایات لے کر مریم نواز کا یکم فروری سے پنجاب اور کے پی کے کا دورہ شروع ہوگا۔فواد چوہدری کی گرفتاری سے متعلق گفتگو کرتے ہوئے انہوں نے کہا کہ فواد چوہدری کے خلاف ایف آئی آر سیکرٹری الیکشن کمیشن کی درخواست پر درج ہوئی۔ جو آدمی کہتا ہے کہ فواد چوہدری کے خلاف مقدمہ سیاسی انتقام ہے اسے ایف آئی آر پڑھ لینی چاہیے۔ فواد چوہدری نے الیکشن کمیشن کے خلاف بات کی جس پر الیکشن کمیشن نیایکشن لیا۔ رانا ثناء￿ اللہ نے کہا کہ اس وقت عمران خان کی گرفتاری کے حق میں نہیں۔ جس قسم کی عمران نیازی گفتگو کر رہے ہیں میرا ذہن بنتا ہے کہ انہیں گرفتار کرنا چاہیے