پی ایس ایل کا آٹھواں ایڈیشن ، شیڈول کا اعلان کر دیا گیا

لاہور( صحافی ۔ پی کے نیوز )ی ایس ایل کا آٹھواں ایڈیشن ، شیڈول کا اعلان کر دیا گیا ۔ چیئرمین پی سی بی نجم سیٹھی نے پاکستان سپر لیگ کے 8 ویں ایڈیشن کے شیڈول کا اعلان کردیا، افتتاحی میچ لاہورقلندرزاورملتان سلطانزکےدرمیان ہوگا۔پاکستان کرکٹ بورڈ کی مینجمنٹ کمیٹی کے سربراہ نجم سیٹھی نے پریس کانفرنس کے دوران شیڈول کا اعلان کرتے ہوئے کہا کہ پی ایس ایل 8 کی افتتاحی تقریب ملتان میں ہوگی، دیگر میچز ملتان، کراچی، راولپنڈی اور لاہور میں ہوں گے۔

راولپنڈی میں 11 میچز، کراچی اور لاہور میں9،9 جبکہ ملتان میں 5 میچز کھیلے جائیں گے، پاکستان سپر لیگ کا فائنل 19 مارچ کو قذافی سٹیڈیم لاہور میں ہوگا۔پی ایس ایل شیڈول کے مطابق پہلا میچ دفاعی چیمپئن لاہور قلندرز اور ملتان سلطانز کے درمیان 13 فروری کو ملتان میں کھیلا جائے گا۔نجم سیٹھی نے پریس کانفرنس کرتے ہوئے کہا کہ بلوچستان حکومت اورکورکمانڈرسے میچ کےحوالےسےرابطہ کیا تھا، بلوچستان سٹیڈیم کا حال اچھا نہیں ہے تاہم بلوچستان میں ایک نمائشی میچ کروایا جائےگا۔