اسلام آباد(صحافی ۔ پی کے نیوز)الیشکن کمیشن مستعفی ہو ، رہنما پی ٹی آیی اسد عمر کی دھواں دار پریس کانفرنس ۔ پاکستان تحریک انصاف (پی ٹی آئی) کے جنرل سیکرٹری اسد عمر نے پریس کانفرنس میں کہا کہ پیپلز پارٹی نے طاقت اور دھاندلی سے کراچی کے بلدیاتی انتخابات میں عوامی مینڈیٹ چوری کیا، انتخابات کو کالعدم قرار دیا جائے۔
اسد عمر کا کہنا تھا کہ پہلے انتخابات ملتوی کرانے کی کوشش کی گئی، سندھ میں آخر کار 15 جنوری کو انتخابات ہوئے لیکن پھر مینڈیٹ چوری کر لیا گیا۔
انہوں نے کہا کہ الیکشن کے دن صبح دھاندلی شروع ہوئی، پی ٹی آئی کے رہنما امجد آفریدی نے ویڈیو میں بتایا کہ کیسے ایک ہزارووٹ پولنگ سٹیشن لائے گئے، ویڈیو پردھاندلی کرنے والوں کے بجائے امجد آفریدی کو گرفتار کرلیا گیا، امجد آفریدی کو تشدد کا نشانہ بنایا گیا اوران کے بھائی کی ایک آنکھ ضائع ہو گئی۔
اسد عمر کا مزید کہنا تھا کہ الیکشن کہیں پہاڑوں پر نہیں بلکہ یونین کونسل میں ہو رہا تھا، انتخابی عملے پردباؤ ڈالا گیا، الیکشن کمیشن اس سارے عمل میں بے بس نظر آرہا ہے، مینڈیٹ چوری ہونے پر جب عوام نے احتجاج کیا تو پولیس نے پی ٹی آئی ورکرز کو حراست میں لے لیا۔
Leave feedback about this