ن لیگ کو صحیح سرپرائز ملا ، تسلی ہو گئی ہوگی، وزیراعلیٰ پنجاب
عمران خان کے وژن کے ساتھ ہیں، ہم نے چوروں کو محدود کر دیا، پرویز الہٰی
لاہور (صحافی ۔ پی کے نیوز) پرویز الٰہی کا کہنا ہے کہ آج ن لیگ کو صحیح طور پر سرپرائز ملا ہے ان کو اندازہ نہیں تھا آج کیا ہونا ہے، ایک ہی لیڈر ہے وہ عمران خان ہے۔پنجاب اسمبلی سے اعتماد 186 ووٹ حاصل کرنے کے بعد اپنے بیان میں پرویز الٰہی کا کہنا تھا کہ ن لیگ کو پتا چل گیا ہے کہ یہ بکائو مال نہیں۔انہوں نے کہا کہ لیگل ٹیم نے محنت کی عدالت میں ثابت کیا کہ گورنر کا آرڈر غیر قانونی ہے۔ پرویز الہٰی نے کہا کہ اللہ نے کرم کیا اور 186 ووٹ سامنے آئے ہیں، یہ بارات لے کر آئے تھے ان کی ڈولی اور جھولی خالی ہو گئی۔وزیراعلیٰ کا اعتماد کا ووٹ تسلیم، گورنر پنجاب نے ڈی نوٹیفائی کا حکم واپس لے لیاانہوں نے مزید کہا کہ شریف آدمی گورنر کی عزت خاک میں ملا دی، ن لیگ کی اپنی تو عزت ہے نہیں، دلیر بنو شکست تسلیم کرو۔وزیراعلیٰ نے کہا کہ عمران خان کے وژن کے ساتھ ہیں، ہم نے چوروں کو گھر کے اندر تک محدود کرنا ہے، پاکستان تحریک انصاف اور ق لیگ کے لوگوں کا شکریہ ادا کرتا ہوں، مجلس وحدت المسلمین اور بلال وڑائچ کا شکریہ بھی ادا کرتا ہوں۔ پرویز الہٰی نے کہا کہ ن لیگ والوں نے ایک ماہ سے شور کیا ہوا تھا۔
Leave feedback about this