آٹا مسلسل مہنگا ہوکر 160 روپے کلو ہوگیا، مرغی کی قیمتیں بھی بے قابو

آٹا مسلسل مہنگا ہوکر 160 روپے کلو ہوگیا، مرغی کی قیمتیں بھی بے قابو
آٹا مالکان نے 2 ماہ میں مسلسل 8 ویں بار قیمت بڑھائی ہے، فائن آٹیکی 40 کلو کی بوری 12ہزار 600 روپے کی ہوگئی
لاہور میں آٹا 160 روپے کلو اور مرغی 620 روپے تک جا پہنچی، کراچی میں بھی آٹا اور مرغی شہریوں کی پہنچ سے دور
لاہور(صحافی ۔ پی کے نیوز)لاہور میں دو ماہ کے دوران آٹے کی قیمت میں مسلسل آٹھویں بار اضافہ کر دیا گیا جس سے آٹا مزید 10 روپے مہنگا ہوگیا۔چکی اونرز ایسوسی ایشن کی جانب سے جاری کردہ نئی ریٹ لسٹ کے مطابق چکی کے آٹیکی قیمت میں 10روپے فی کلو اضافہ کیا گیا جس کے بعد آٹیکی قیمت 160 روپے فی کلو ہوگئی ہے۔مارکیٹ ذرائع کے مطابق چکی آٹا مالکان نے 2 ماہ میں مسلسل 8 ویں بار قیمت بڑھائی ہے، فائن آٹیکی 40 کلو کی بوری 12ہزار 600 روپے کی ہوگئی ہے جبکہ 15 کلو آٹے کا کمرشل تھیلا 2ہزار 150 روپے میں فروخت ہو رہا ہے۔ اس کے علاوہ مرغی کے گوشت اور انڈے کی قیمت میں بھی اضافہ کردیا گیا ہے جس سے انڈے 280 روپے درجن ہوگئے ہیں۔مارکیٹ ذرائع کے مطابق مرغی کے گوشت کی سرکاری قیمت 574 روپے کلو ہوگئی ہے اور بعض دکاندار مرغی کا گوشت 620 روپے کلو میں بیچ رہے ہیں۔دوسری جانب کوئٹہ میں بھی مرغی کیگوشت کی قیمت میں 20 روپے کا اضافہ ہوگیا جس سے مرغی کا گوشت 620 روپے کلو تک جا پہنچا ہے۔ کوئٹہ میں رواں ہفتے کے دوران مرغی کے گوشت کی قیمت میں پانچویں بار اضافہ کیا گیا ہے، رواں ہفتے کے آغاز میں مرغی کا گوشت 520 روپے میں فروخت کیا جارہا تھا۔علاوہ ازیں کراچی میں بھی بعض علاقوں میں مرغی کا گوشت 580 اور کہیں 600 روپے کلو میں فروخت کیا جارہا ہے۔