ایران میں مظاہرہ کرنیوالے دوسرے شخص کو پھانسی

تہران(صحافی ۔ پی کے نیوز) ایران میں مظاہرہ کرنیوالے دوسرے شخص کو پھانسی دیدی گیی ۔ ایران میں حجاب کے معاملے پر زیر حراست لڑکی مہسا امینی کی موت کے خلاف ستمبر سے مظاہرے جاری ہیں ۔مظاہروں کے آغاز کے بعد اب تک کم از کم 14 ہزار کو گرفتار کیا گیا جبکہ 63 بچوں سمیت کم از کم 458 افراد ہلاک ہو چکے ہیں۔انسانی حقوق کی تنظیموں نے ایران میں مزید مظاہرین کو سزائے موت دیے جانے کا خدشہ ظاہر کیاہے۔

غیر ملکی خبررساں ایجنسی کے مطابق گرفتار ملزم ماجد رضاکو سکیورٹی فورسز کے 2 ارکان کےقتل کے الزام میں گزشتہ روز مشہد میں سرعام پھانسی پر لٹکایا گیا۔

 سزائے موت پانے والے ماجد رضا کو 23 دن قبل ملک سے فرار ہوتے ہوئے گرفتار کیا گیا تھا۔